Accueil > Amakuru > Mu makungu > Turkiya: Uwundi munyagihugu yitavye Imana mu migumuko
Turkiya: Uwundi munyagihugu yitavye Imana mu migumuko
mardi 4 Ruheshi 2013
Umunyagihugu agira kabiri yaraye yitavye Imana mu migumiko imaze imisi itanu hagati y’abanyagihugu n’inzego z’umutekano, iriko ibera mu gihugu ca Turquie, ku mugoroba w’ejo kuwa mbere igenekerezo rya 3 Ruheshi 2013.
Uwo yaraye apfuye abanje gukomeretswa bikomeye n’urusasu mu bumanuko bwa Turkiya afise imyaka 22 akaba azwi kw’izina rya Abdullah Comert. Yitavye Imana ahejeje gushikanwa kwa muganga, habaka hari ku musi ugira gatanu w’imigumuko iguma yitabwa n’abantu isinzi bava mu mihingo yose y’igihugu ca Turkiya.
- Abanyagihugu bo muri Turkiya bari mu myiyerekano
Mw’itangazo Leta yasohoye, igipolisi camenyesheje ko camaze gutangura amatohoza ku rupfu rw’uwo musore yahitanwe n’urusase.
Mu kugaragaza akababaro, abahurikiye mu runani rw’amasendika yo mu gihugu ca Turkiya baciye bamenyesha ko bahagaritse akazi ku kiringo c’imisi ibiri kugira bereke ubutegetsi bo bababajwe n’abo banyagihugu baguma bitaba Imana kandi basabe Leta ivavanure no gukoresha igikenye mu myanya y’imyiyerekano.
Ivyo bakaba bibaye inyuma y’aho abapolisi batereye ivyuka vyinshi birakira ku bantu barenga amajana atanu bari mu myiyerekano i Istanbul.
Egide nduwimana
