Twitter : Ni kuki abategetsi ba banyafrika bakoresha ururimi rw’igifaransa bakiri inyuma ?

Nka bose mu banyapolitike ba banyafrika barakoresha ubwo buhinga, ariko ntibabukoresha ku rugero rumwe ubwo buhinga bwa Twitter. Insiguro, ngo ni ukwo abanyepolitike ba banyafrika bakoresha ururimi rw’igifaransa, batabakurikirana cane ukwo bakoresha ubwo buhinga ngurukanabumenyi bwa Twitter, kandi ko n’ururimi ikoreshwamwo rwoba rutaborohera (Icongereza).

Ku rutonde rw’abakuru b’ibihugu batanu bakoresha ubwo buhinga ba mbere bo muri Afrika bakurikiranywe cane, uwa mbere ni umukuru w’igihugu ca Afrika y’Epfo Jacob Zuma, uwa Kenya, Uhuru Kenyatta, hagakurikira umukuru w’Urwanda Paul Kagame, ubwa kane haza Jakaya Kikwete wa Tanzaniya, uwa gatanu ni Moncef Marzouki, umukuru w’igihugu ca Tuniziya.

Igice kinini c’abanyafrika basanzwe badakunda gushira kumugaragaro ivyo barangura, ndetse ugasanga biri mu mico yabo, aho bifatwa nk’iragi ry’abasokuru, kudashira ku mugaragaro ibikorwa vyabo. Mu bihugu rero bitandukanye vy’Afrika, biracari inyuma mu bijanye n’ubuhinga bwa none ndetse n’ururimi rukoreshwa ku mbuga ngurukana bumenyi.