Ubudagi bwemeye gufasha kurwanya Islamic State

Igihugu c’Ubudagi cemeye gutanga imfashanyo y’abasirikare n’ibikoresho vy’intambara, mu ntumbero y’ukwifadikanya n’ayandi makungu mu kurwanya ibikorwa vy’umurwi w’iterabwoba wa IS (Islamic State) wo muri Syria. Indege n’ubwato vy’intambara hamwe n’abasirikare bagera ku 1200 niyo mfashanyo y’Ubudagi.

Iyo ngingo y’Ubudagi y’ugufasha kurwanya Islamic State yemejwe n’abashingamateka bose, ariko bikaba bitegekanijwe ko indege z’intambara z’Ubudagi zitazokwinjira mu mirwi irimwo igisirikare ca Reta Zunze Ubumwe z’Amerika, Ubufaransa, Ubwongereza hamwe n’Uburusiya.

Ubudagi bumenyesha ko butanze iyo mfashanyo ku nyishu y’Ubufaransa bwaheruka gusaba amakungu ko yogira ico akoze mu gufasha, inyuma y’igitero cahitanye abantu 130 mu gisagara ca Paris mu kwezi guheze.