Ubufaransa bwatanguye neza inkino za EURO 2016

Umurwi nserukiragihugu y’Ubufaransa watsinze urukino rwo kwugurura inkino za nyuma z’igikombe ca 15 c’Ubulayi mu mupira w’amaguru (Euro-2016), inkino zatanguye kuri uwu wa gatanu i Paris mu Bufaransa.

Igitsindo c’umukinyi Dimitri Payet ku munota wa 89 nico cahaye Ubufaranda intsinzi y’ibitsindo 2 kuri 1 mu rukino na Rumaniya.

Umufaransa Olivier Giroud niwe yatsinze igitsindo ca mbere c’Ubufaransa ku munota wa 57 ariko Rumaniya iza kukigombora ku munota wa 78 kuri penariti yatsinzwe na Bogdan Stancu.

Umurwi w’Ubufaransa ubu niwo uyoboye itsinda A, izindi nkino muri iryo tsinda zikaba zitegekanijwe kuri uwu wa gatandatu hagati y’Ubusuwisi na Albaniya.