Accueil > Amakuru > Mu makungu > France : Delphine Ernotte, umukenyezi wa mbere arongoye ikinyamakuru ca (...)
France : Delphine Ernotte, umukenyezi wa mbere arongoye ikinyamakuru ca Reta
vendredi 24 Ndamukiza 2015
Imboneshakure yo mu Bufaransa, France Télévisions, iramutswa umuyobozi mushasha. Delphine Ernotte agiye kuyirongora, abaye umukenyezi wa mbere arongoye ikinyamakuru ca Reta muri ico gihugu.
![](local/cache-vignettes/L672xH379/france-2-20c7f.jpg?1551553874)
Delphine Ernotte yatowe kuri uno wa kane igenekerezo rya 25 ndamukiza, n’inama nkuru ijejwe ibimenyeshamakuru. Inyuma y’iminsi ibiri, umurwi ugizwe n’abantu umunani ntivyaworoheye kumuhurizako kuko habaye amatora abiri, bidakunda ko akwiza amajwi asabwa.
Ahejeje gutorwa, Delphine Ernotte yamenyesheje ko agiye gushira inguvu mu kwihweza ibiganiro, no mugukurikiranira hafi kazoza k’ikinyamakuru agiye kurongora, ariko akaba ataco yemeye agiye guhindura.
Uwo mukenyezi w’imyaka 48 y’amavuko, yari asanzwe arongoye ishirahamwe riraba ivyo gutumatumanako amakuru Orange France.
Van Naris Mugisha