Accueil > Kwidagadura > Gospel > Ubugeni bwa Fortran Bigirimana na Sophie Derain burimirije
Ubugeni bwa Fortran Bigirimana na Sophie Derain burimirije
lundi 30 Nyakanga 2013
Fortran Bigirimana gutanguye imyiteguro y’urubanza rwiwe rwo gushingiranwa n’umwigeme w’umufaransakazi yitwa Sophia Derain. Umuririmvyi Fortran akaba aherutse gushika i wabo w’umukunzi wiwe kwimenyekanisha. Ndetse harabaye ico bita "fiancaille".
- Fortran Bigirimana kumwe na Sophie Derain
Nkuko Fortan Bigirimana yabimenyesheje aho yaganira n’ikimenyeshamakuru IGIHE, urukundo rwiwe na Sophie Derain rwagiye ruvugwako n’abantu benshi bamwe bavugako bakundanye urudashoboka kuko imiryango itabihurizako. Abandi ngo Sophie Derain n’umukunzi w’umuziki wa Fortran gusa. Ariko ntibigeze biyumvira ko ari urukundo rwukuri ruzovamwo urugo.
- Fortran Bigirimana hamwe na Sophie Derain
Fortran ati: “ Ivyo vyose ntivyanciye intege kuko urukundo nyarwo ruja aho rugomvye ntabwo ruraba imigabane, ibihugu n’ibindi. Abantu bakundana badahendana biragoye ko hari uwabatandukanya. Ubu ukuri kugiye ku mugaragaro kuko nahejeje gutanguza ibijanye n’urubanza rwo gushingiranwa n’umukunzi wanje. Ubu namaze kwiyerekana mu muryango w’umukobwa nkaba namaze gusaba irembo”.Fortran amenyesha ko atagihe kinini gisigaye ngo arangize ibijanye no kuronka uburenganzira bwo kwibanira n’umukunzi wiwe Sophie Derain. Fortran avugako yizeye ko Imana n’abakunzi biwe batazobura kumushigikira kugira urubanza rwiwe rube.
![](local/cache-vignettes/L672xH504/sophia_deran_family-6a549.jpg?1550867325)
Twokwibutsako, hampande y’umuririmvyi Fortran Bigirimana, uyundi muririmvyi aririmba indirimbo zo gutazira Imana, David Nduwimana nawe nyene imyiteguro y’ubugeni bwiwe yayitanguje. Amaze iminsi itari mike mu gihugu ca Australiya aho yagiye gutanguza ivy’ubugeni bwiwe n’umwigeme bakundana akomoka muri ico gihugu. Asigaje ukwezi kumwe ngo agaruke mu Burundi kuko ariho hazobera ubugeni.
SENGUREBE Joël
Messages
30 Nyakanga 2013, 14:01
ndashigikiye cane ubugeni bw umuririmvyi david hamwe na fortrand,Iman izobaj imbere mu ngo zabo,biragaragara ko gospel y uburundi irik irater imbere.muhezagirwe.
4 Ntwarante 2017, 21:26, par olivier docta
nivyiza ko bazobana numufranca imana ize ibazigame
26 Rusama 2017, 10:21, par BUTOYI Main-donnée
Nagomb kubaz ibijany n’imyiteguro y’ubugeni bw’umuririmvyi David NDUWIMANA aho igeze kand natw nk’abakunzi biwe turipfuza kumushigikira