Uburundi bwasivye ihiganwa rya zone ya 5 muri Basketball

Umurwi nserukiragihugu w’abakiri bato bakina urukino rw’amaboko (Basketball) wasivye ihiganwa ry’ukurondera imirwi izokina ihiganwa rya zone 5 wari kujamwo mu gihugu ca Ouganda, mu gisagara ca Kampala. Uwo murwi wari umaze amezi abiri witegurira iryo higanwa, ukaba wasivye kubera kubura uburyo.

Ubushikiranganji bw’urwaruka, inkino n’imicokama nibwo bwari kumenya ingene uwo murwi urungikwa mukuwutegurira uburyo. Ku monuto wa nyuma, uwo murwi wabwiwe ko ata buryo buhari.

Ni inkuru y’umubabaro mw’ishirahamwe ry’umupira w’amaboko mu Burundi, ariko iryo shirahamwe rigasaba abakinyi bari biteguriye iryo higanwa kudacika inkokora. Iryo higanwa rizotangura kw’igenekerezo rya 27 Ruheshi gushika kw’igenekerezo rya 3 Mukakaro 2016.