Uburusiya bwatanguye gukura abasirikare babwo muri Siria

Iyo ngingo y’ugukura abasirikare b’Uburusiya muri Siriya ifashwe inyuma y’umunsi umwe gusa umukuru w’igihugu Vladmir Putin amenyesheje ko abo basirikare bagiye gukurwayo kuko ihangiro ryatumye bajayo barishitseko.

Amakuru dukesha BBC avuga ko ubushikiranganji bwo kwivuna abansi bw’Uburusiya bumenyesha ko indege ziri muri Syria ziriko zirapakirwa ibikoresho bigiye gusubizwa mu Burusiya.

Umukuru w’igihugu Vladmir Putin yavuze ko isekeza ry’ibitero vyakozwe mu ntumbero yo gushigikira umukuru w’igihugu Assad ryatumye ibintu bihinduka, ku buryo habonetse akaryo keza ko gutangura ibiganiro vy’amahoro.

Ibihugu vya Buraya na Amerika ariko vyakiranye ubwitonzi ayo makuru y’Uburusiya yo kuva muri Syria.

Umukuru w’igihugu Barack Obama yavuganye na mugenzi we Vladmir Putin, aho yashimikiye ku kwerekana ko hakenewe ubutegetsi mfatakibanza muri Siria.

Tukakamenyesha ko Reta ya Syria ihakana ko hoba hari ico yoba yapfuye na Reta y’Uburusiya.