Ubushinwa : Kaminuza zibiri za Leta y’Uburundi zaronse imfashanyo

Kuri uyu wa mbere igenekerezo rya 6 Rusama 2013, Umukuru w’Igihugu c’Uburundi Nyakubahwa Petero Nkurunziza yahaye umubonano abari mw’ishirahamwe ryo gufashanya hagati y’Ubushinwa na Afrika.

Abo bagize iryo shirahamwe, baje bikoreye agaseke k’imfashanyo ingana ama dolare y’abanyamerika ibihumbi 15 agenewe kaminuza y’Uburundi hamwe n’ishure kaminuza nderabigisha ENS.

Ako gaseke kakaba kemewe gutangwa kuri uyu mu goroba w’igenekerezo rya 6 Rusama, mu rugendo rwateguwe n’izo ntumwa z’ishirahamwe ry’abashinwa.

Nkuko bishikirizwa na Willy Nyamitwe icegera c’umuvugizi w’Umukuru w’Igihugu, ngo Umukuru w’igihugu yaciye afata akanya ko gushimira igihugu c’Ubushinwa kumfashanyo bemereye Uburundi igihe hari inama rukokoma i Geneve k’ukibazo co gufasha Uburundi mu mwaka uheze.