Ubusuma bwo mu mazu no mu mirima buguma bwiyongera

Mugihe ubusuma bubandanya kwiyongera mu bice bitari bike vy’igihugu mbere no mu biro bimwe bimwe muri ino minsi, umuvugizi w’igipolisi Eliya Bizindavyi amenyesha ko igipolisi kiriko gikora ibishoboka vyose kugira ngo izo nkozi z’ikibi zifatwe zongere zihanwe.

Umuvugizi w’igipolisi Eliya Bizindavyi yamenyesheje ko igipolisi kitazokwihanganira abasuma n’abagizi ba nabi kandi ko bariko barabakurikirana .Ariko rero umuvugizi w’igipolisi asaba abanyagihugu gukorana n’inzego z’umutekano kugira bashobore gutuza izo nkozi z’ikibi.

Ku kibazo c’abanyororo baheruka kurekugwa kandi bafashwe bagirizwa ivyaha bijanye n’ubusuma , umuvugizi w’igipolisi yishuye ko uwuzosubira mubikorwa bigayitse nk’ivyo batazotinya ku musubiza mu nvuto.