Ubwongereza : Amakori agiye kugabanurwa

Umushikiranganji George Osborne, ajejwe ubutunzi mu Bwongereza, yipfuza kugabanya amakori ku bagwizatunga, inyuma y’ingingo yo kuva mu Bumwe bwa Buraya iheruka gutorwa muri kamarampaka n’abanyagihugu b’Ubwongereza.

Umushikiranganji George Osborne yasiguye ko ivyokwisungwa mu kugabanya ikori ku mashirahamwe n’amahinguriro, rikava ku bice 20 kw’ijana rikaja munsi y’ibice 15 kw’ijana.

George Osborne, umushikiranganji ajejwe ubutunzi mu Bwongereza

Kubw’uwo mushikiranganji, ivyo bizotuma Ubwongereza buja ku rugero rwa mbere ruto rw’amakori ugereranije n’ibindi bihugu bitunze kw’isi.

BBC ivuga ko intumbero y’uwo mugambi yoba ari ugushaka kuresha abagwizatunga batewe n’ubwoba kubera Ubwongereza buherutse guhitamwo kuva mu Bumwe bwa Buraya.