Uganda: Amama Mbabazi ababajwe no kuba yarashigikiye ko ibwirizwa nshingiro rihinduka

Amama Mbabazi umwe mu bitoreza kurongora igihugu c’Ubuganda amenyesha ko ababajwe no kuba yarashigikiye ko ibwirizwa nshingiro rihinduka mu mwaka w’2005 mu Buganda.

Mu gihe yariko yiyamamariza kurongora igihugu c’Ubuganda,Amama Mbabazi yavuze ko yababajwe no gushigikira ko ibwirizwa nshingiro rihinduka,gutyo umukuru w’igihugu Yoweri Museveni agashobora kuguma ku butegetsi.

Umukuru w’igihugu Yoweri Museveni ari mu bazokwitoza kurongora igihugu, amaze ku butegetsi imyaka 30. Aho aca mu myiyamazo aguma asaba abayoboke b’umugambwe wiwe gutora umuhumure nkawe.

Amatora y’umukuru w’igihugu ategekanijwe mu kwezi kwa kabiri