Uko igiteramo ca KINA MUSIC kiriko kigenda I Gitega

Haheze umwanya muto igiteramo kiri mu rukurikirane rwa Volcano Xsmas Tour gitanguye. Abantu isinzi bamaze kwuzura mu kibuga gikuru c’I Gitega. Hirya no hino ibinyobwa n’inyama abantu bariko barihereza.

Ibiyeri bariko basoma

Christian Nsavye na Anitha bafise “micro” ya”Master of Ceremonies “, batanguye bakoresha utubazo n’intambo barikumwe n’abanya Gitega. Mu kirere hari indege ntoyi”drone”iriko ifata amashusho y’ibirori. Ikirori cuguruwe na Lolilo n’umugore wiwe Loriane abkurikiwe na Rally Jo. Abandi baririmvyi bari mu muduga wa Volcano, hasohoka uwushikiriwe kuja kuririmba. Abana, inkumi n’imisore,abatama n’abatamakazi bashitse ahariko habera ikirori. Umutekano ni wose gushika muri uno mwanya, aba police, n’abandi bariko bafasha umutekano barikanuye.

Tubibutseko igiteramo gifashwe mu mugongo na Volcano, kigashirwa mu ngiro na KINA MUSIC.

Ibiyeri bariko basoma

Abantu bariko bagura ama "ticket"

Abaririmvyi barindiriye ko bashikirwa bari muri "Volcano"