Ukraine: Poroshenko yimitswe mu mabanga yo kurongora ico gihugu

Umukuru w’igihugu ca Ukraine yimitswe mu mabanga yo kurongora ico gihugu ,yiyemeje gutsimbataza imigenderanire n’ishirahamwe rya Buraya.

Poroshenko Petro yatsinze amatora mu kwezi Rusama, yavuze ko ashaka gutsimbataza imigenderanire n’ishirahamwe rya Buraya. Yiyemeje kurangiza intambara hagati y’ingabo za Ukraine n’abashaka kwiyonkora bashigikiwe n’Uburusiya mu Buseruko bw’igihugu. Ariko ntiyasiguye neza uburyo azobigenza mu kurangiza izo ntambara.

Ejo Poroshenko yari yemeye gutangura ibiganiro n’umukuru w’igihugu c’Uburusiya ku kibazo c’ubuseruko bwa Ukraine. Putin yavuze ko bikwiye kubanza guhagarika intambara imbere yo gutangura ibiganiro.