Umugambi wo kugabanya imiduga ya Leta wisunga amategeko

Umuyobozi mukuru mu bushikiranganji bwo gutwara abantu n’ibintu, Jean Claude Mpawenimana yamenyesheje ko ishirwa mu ngiro ry’umugambi wo kugabanya imiduga ya Leta mu Burundi ririko ritunganwa n’umurwi wigenga.

Yibutsa ko uwo mugambi wo kugabanya imiduga ya Leta ukora ku bakora muri Leta, abanyamabanga ntayegayezwa bo mu bushikiranganji butandukanye, hamwe n’abakora mu bisata bitandukanye vyegamiye Leta. Mu kwezi kwa Ruheshi umwaka w’2013, mu gihugu cose, uwo mugambi uzoba waranguwe.

Umuyobozi mukuru mu bushikiranganji bwo gutwara abantu n’ibintu, Jean Claude Mpawenimana arabeshuza inkuru zivuga ko iyo miduga iriko idandazwa ku biciro bibayabaye. Kubw’umuyobozi Mpawenimana, umurwi ubijejwe uriko ukorera ku vyegeranyo vyakozwe n’abahinga batsindiye iyo soko biciye mw’ihiganwa ryabereye ku mugaragaro.