Accueil > Inkino > FOOTBALL > Umukinyi Joseph Minala arabangamiwe n’abamenyeshamakuru batemera imyaka (...)
Umukinyi Joseph Minala arabangamiwe n’abamenyeshamakuru batemera imyaka yiwe
mardi 6 Rusama 2014
Umukinyi w’umupira w’amaguru Joseph Minala ararajwe ishinga n’ibinyamakuru vyo gihugu c’Ubutaliyano biguma bimwagiriza ko abesha imyaka. Yemeza ko afise imyaka 17 kandi ariteguye gutanga ivyemeza vy’imyaka yiwe.
- yemeza ko afise imyaka 17,abandi bakavugako afise 37
Joseph Minala avuka mu gihugu ca Cameroun akina mu murwi wa Lazio Lome mu gihugu c’Ubutaliyano. Naho biri uko, Joseph Minala afise ingorane z’uko abamenyeshamakuru n’insamirizi bamwagiriza ko abesha imyaka yiwe. Yemeza ko yavutse kw’igenekerezo rya 24 Myandagaro 1996, afise imyaka 17. Ariko bamwagirizako yoba afise imyaka yoba ishika kuri 37, abandi nabo bakavuga ko yoba ashikana imyaka 40. Ivyo rero biramubabaza akavuga ko azotanga ivyemeza vyose vy’imyaka yiwe kugira akure amazinda.
Joseph Minala ati : "Abanyafrika tugira imyaka mike ariko bikaboneka ko dushaje. Nkishika aha mu gihugu c’Ubutaliyano, narasavye abategetsi baho ko bongirira igipimo ca ADN, ariko uwari yemeye kubimfasha yantaye ku kibuga c’indege, n’ubu sindasubira kumukubita ijisho, erega naho tudafise ibara rimwe ry’umubiri twese turi abantu".
![](local/cache-vignettes/L672xH448/a03ee1d66752f5f3d0308e389dd6911b-04192-1394392925-e941c.jpg?1550736414)
![](local/cache-vignettes/L650xH366/032152-425e2804-950e-11e3-9900-6ae4ae41740d-518d0.jpg?1517475052)
Chérif Nkeshimana