Accueil > Inkino > FOOTBALL > Saido NTIBAZONKIZA yeretse umumenyereza ko ariwe kizigenza
Saido NTIBAZONKIZA yeretse umumenyereza ko ariwe kizigenza
jeudi 26 Ntwarante 2015
Urukino rwa kivandimwe rwahuje umurwi nserukira gihugu Intamba mu Rugamba n’umurwi nserukiragihugu w’izinga rya Maurice rwarangiye imirwi yompi inganije 2 kuri 2. Urwo rukino rwabaye umumenyereza mushasha w’Intamba atari mu kibanza cicaramwo abamenyereza.
- Abakinyi b’Intamba batanguye mu kibuga
Intamba mu Rugamba zaraye zinganije n’umurwi nserukira gihugu w’Izinga rya Maurice ibitsindo 2 kuri 2. Abakinyi b’Intamba bakinye icuka atari ciza hagati y’abo n’umumenyereza mushasha Ait ABDELMALEK. Ivyo vyavuye ko uwo mumenyereza yashatse gukura kizigenza w’Intamba Saido NTIBAZONKIZA. Ico bapfuye n’uko Ait ABDELMALEK yabajije Saido ko akina mu Burundi ari uwundi akibaza ko abimubajije azi ko akina hanze y’igihugu (Turkiya). Uwo mumenyereza aca amukura kuba kizigenza w’Intamba, Saido nawe aca afata ingingo ko adakina kandi ko aca asezera gusubira gukinira umurwi nserukiragihugu. Ivyo bica bituma abakinyi bose barahira kudahonyoza amaguru mu kibuga Saido adakinye kandi akine ari kizigenza wabo. ivyahavuye biba nk’uko abakinyi babishatse.
![](local/cache-vignettes/L672xH447/1427318993_20.jpg-59c66.jpg?1550728536)
Amakuru ava i Port-Louis amenyesha ko umumenyereza mushasha Ait ABDELMALEK yarabiye urukino kure (mu bwugamo), kw’itegeko rivuye "hejuru". Vyabaye Ait ABDELMALEK yari yamye mu myimenyerezo yo gukinisha abakinyi mu kibuga c’i Port Louis cabereyemwo urukino. Ayandi makuru avuga ko ikibazo c’umumenyereza Ait ABDELMALEK kigiye kubandanywa cigwa mw’ishirahamwe ry’umupira w’amaguru mu Burundi (FFB).
Naho vyabaye uko, ntivyabujije ko ibitsindo 2 vyose vy’Intamba mu rugamba vyinjijwe na kizigenza w’Intamba mu Rugamba Saido NTIBAZONKIZA.
Raba kimwe mu bitsindo vyinjijwe na Saido Ntibazonkiza. .
Cherif Nkeshimana
Messages
26 Ntwarante 2015, 13:31, par Ntacontemanga
Nakomere umukinyi w’igihugu wacu!
27 Ntwarante 2015, 11:57, par FILS
ABARUNDI 2RAZI UMUPIRA CANE URAVYE KAVUMBAGU NA TAMBWE INO 2RI BAKORA IBITANGAZA
27 Ntwarante 2015, 15:41, par oswald
mu burundi turafise abakinyi bazumubira ariko tubuze abamenyereza beza
3 Ndamukiza 2015, 17:26, par Niyonkuru gregoire
Berahino Nibamutumeko Bena Bigirimana Batugombore Nahandi Karabaye Kunganya Ire-morise
11 Ndamukiza 2015, 21:57, par Minani evariste
Ese uwo mugabo nuwahehe ko adashaka ko abakinyi babanza mukibuga jewe narababajwe nokubona umuntu nkuwo, mbega yoba yafatiwe ingingo imeze gute?
9 Ruheshi 2015, 18:14, par Niyonkuru Aristide
Umumenyerez Yarakwiy Gufata Saïdo Nkakizigenz Nkaba Nsaba Nabarongoy Fedration Kugir Ico Bafashij Kuk Duhomvy Uwomukiny Ntacotwoshikako Turabasavye Rero Barabe Ukuntu Bizohera.
11 Myandagaro 2015, 07:52, par HARAGAKIZA LEO YOSSAN POKO
umutoza nibamwirukane kuko ntashaka iteramber muburundi ryumupira
11 Myandagaro 2015, 07:52, par HARAGAKIZA LEO YOSSAN POKO
umutoza nibamwirukane kuko ntashaka iteramber muburundi ryumupira