Umumenyereza wa Olympiakos aherutse kwirukanwa

Umumenyereza wa Olympiakos yarirukanywe muri uwo mugwi azira ko yaryamanye n’umugore w’uwurongoye uwo mugwi.

Iyirukanwa rya Leonardo Jardim ryatumye haba amajambo .Dufatiye ku nkino,umumenyereza wa Olympiakos nta kintu kinini yari kwagirizwa kuko umugwi yari asanzwe amenyereza uza mu kibanza ca mbere mu gihugu c’u Bugiriki,ukaba mbere urusha umugwi wa kabiri amanota 10,ukaba ufise intsinzi 14 n’inkino 3 wanganije.

Mu gihe rero bigoye kumenya neza icatumye yirukanwa.Ibimenyeshamakuru vyo mu gihugu ca Portugal bikaba vyaratangaye bica bikora amatohoza bica bisanga uwo mu menyereza yahora afitaniye ubucuti budasanzwe na Jelen Trojanske,umugore w’uwurongoye umugwi yahora amenyereza. Ivyo rero bikaba bitanezereje Evanglos Marinakis arongoye uwo mugwi kuko wewe yabifashe nk’akagaye aca afata ingingo yo kumwirukana.

Ariko rero kumvo zo kutabishira hejuru,havugwa ko uwo mu menyereza yirukanywe kubera yakinisha urukino rwo kuzibira inyuma,ibisanzwe bitari mu ngendo y’umugwi.
Tubamenyeshe ko ubu uwahoze ari umunyezamu Antonios Nikopolidis ariwe amenyereza uwo mugwi ivy’infayata kibanza.