Umumenyeshamakuru wa ISANGANIRO yahora apfunzwe yarekuwe

Célestin-Blaise Ndihokubwayo, umumenyeshamakuru w’insamirizi ISANGANIRO yahora apfungiwe mu gasho k’igendereza i Bujumbura yarekuwe ku mugoroba wo kuri uwu wa gatatu.

Blaise Célestin NDIHOKUBWAYO yahagaritswe n’abasirikare mu ndwi iheze, hafi y’akabare n’uburiro bita NONOKA, muri komine Mugongomanga mu ntara ya Bujumbura benshi bita rural. Blaise Célestin NDIHOKUBWAYO n’uwariko aramwunguruza (Chauffeur) ntibaramenyeshwa imvo yatumye bahagarikwa.

Nk’igihe c’isaha cumi na zibiri zibiri z’umugoroba wo kuri uwu wa gatatu, niho uwo mumenyeshamakuru yarekurwa, naho nyene mw’igendereza bakaba batamenyesheje igituma yari yahagaritswe.