Accueil > Amakuru > Muri Afrika > Umumenyeshamakuru yatawe muri yompi muri Misiri
Umumenyeshamakuru yatawe muri yompi muri Misiri
vendredi 28 Ruheshi 2013
Abategetsi bo mu gihugu ca Misiri bafunze imboneshakure imwe muzikorera muri ico gihugu bongera bata muri yompi umwe mu bayobora ibiganiro vyayo bamwagiriza guhamagarira abantu kutubaha amategeko y’igihugu.
Uwo mumenyeshamakuru, Tawfik Okasha, yahejeje ikiganiro yariko aragirisha ejo mw’ijoro, aca aronka amakuru ko umutahe umurondera wamaze gusohoka.
Abakora uwo mwuga wo kumenyesha amakuru mu gihugu ca Misiri baridogera Leta ko yivanga mu bikorwa vy’abamenyeshamakuru ikababuza ubwigenge bukwiye bahabwa n’amategeko.
N’aho biri uko, mu butegetsi bwa Misiri bo siko babibona. Mw’ijambo ryiwe, umukuru w’igihugu ca Misiri, Mohamed Morsi yamenyesheje ejo bundi kuwa gatatu ko agabisha abamenyeshamakuru ko badategerezwa kurenza urugero canke gukoresha nabi uburenganzira bwo gushikiriza ivyiyumviro, abibutsa ko badafise uburenganzira bwo kuvuga ivyo bishakiye vyose.
- Mohamed Morsi, umukuru w’igihugu ca Misiri
Egide Nduwimana
