Umuririmvyi Bobi Wine yasanze yareze umwana w’uwundi mugabo amwiyitirira

Umuririmvyi Bobi Wine aguma ahakana ko umwana yavyaranye n’umunyamideri ashobora kuba atari rwiwe, naho adacika intege zo kumurera.

Bobi Wine

Uwo muririmvyi wo mu gihugu ca Uganda yavyaranye n’umunyamideri Saphina Mutebi, ariko rero uwo muririmvyi ntaremera ko uwo mwana yoba ari uwiwe, ivyo rero bigeze aho Bobi ashaka kugirisha ca gipimo c’amaraso (Test ADN) kugira yicare azi ku mwana ari rwiwe. Imyaka indwi irinze ihera akekeranya kuri uwo mwana.

Yagize ati: “Nahuye n’umukobwa yitwa Saphina Mutebi mu Bwongereza, nta mugore nari mfite maze nkora ikosa rikomeye mu buzima bwanje. Naryamanye n’uyu mukobwa rimwe maze nyuma y’indwi ambwira ko afise inda. Nararyohewe kuko numva ngiye kwakira umuntu mushasha mu muryango wanje.”

Umwana amaze kuvuka bamwise Simon, ariko arakura Bobi yaramenye ko umwana atari rwiwe, icizere c’uko areze imfura yiwe kirahera.

Bobi n’umuryango wiwe

Yavuze ati : “Kuva Simon yavuka naramwitayeho gushika aho nkora vyose nka se w’umwana”. Bobi rero arindiriye ico abaganga bazovuga kuri Simon hama amenye ko uwo mwana w’umuhungu ari uwiwe canke yabaye umurezi w’umwana w’uwundi mugabo.