Umurwi nserukiragihugu w’Urwanda watsinze umurwi nserukiragihugu wa Kongo

Umurwi nserukiragihugu w’Urwanda Amavubi waratsinze kuri uno w’Imana igenekerezo rya 10 Nzero 2016 umurwi nserukiragihugu wa Republika iharanira intwaro rusangi ya Kongo igitsindo kimwe ku busa,mu rukino rwa kivandimwe.

Urwo rukino rwabereye kuri Stade muganda mu karere ka Rubavu, mu ntumbero yo kwitegurira ihiganwa rihuza imirwi nserukirabihugu irimwo abakinyi bakinira mu bihugu vyabo rizotangura kuwa gatandatu igenekerezo rya 16 Nzero 2016 mu gihugu c’Urwanda.

Igitsindo c’umurwi nserukiragihugu w’Urwanda cinjiye ku munota wa 49,mu ntango y’igice ca kabiri c’urukino cinjijwe n’umukinyi Tuyisenge Jacques.

Inyuma y’urukino,umumenyereza w’Urwanda Johnny Mckinstry yavuze ko umurwi amenyereza wifashe neza kandi ko bagiye kuruhuka kugira bategure neza urukino bazohura n’umurwi nserukiragihugu wa Cote d’Ivoire.

Umumenyereza w’umurwi nserukiragihugu wa Kongo Florent Ibenge yavuze ko bari biteze gutsinda umurwi nserukiragihugu w’Urwanda ariko basanga umurwi wifashe neza gusumba uko babiziga.

Abakinyi batanguye mu kibuga ku ruhande rw’Urwanda ni : Ndayishimiye Eric
Mwemere Ngririnshuti
Bizimana Amran
Bayisenge Emery
Tuyisenge Jaques
Nshuti Savio Dominique
Iranzi Jean Claude
Omborenga Fitina
Usengimana Faustin
Sugira Ernest

Ku ruhande rwa Republika iharanira intwaro rusangi ya Kongo,mu kibuga hatanguye :
Matampi Ngumbi Ley
Baometu-moke Junior
Lomalisa Mutambala Joyce
Bmpunga Rotuli Padou
Kimwaki Mpela Joel
Munganga Omba Nelson
Gikanzi Doxa Doxa
Lusadisu Basisila Guy
Lumbu Nzinga Heritier
Elia Lina Meschack
Boli M.Merikani Jonatha