Accueil > Kwidagadura > umucuraranzi > SAT B > Inkuru > Umurwi Top dance urabica bigacika
Umurwi Top dance urabica bigacika
mardi 13 Myandagaro 2013
Umuririmvyi Sat-b ariko arabandanya yitaba ibiteramo vy’ihiganwa rya Primusic nk’uko bafitaniye amasezerano uyu mwaka.
Uyo muririmvyi mu biteramo vyose amaze kugenda yitabira, bigaragara ko akundwa cane. Ivyo vyatumye ibinyamakuru bimubaza ukwo yiyumva iyo abona abantu bose bashako ko ariwe yobandanya aririmba. Umurwi w’indirimbo zigezweho witwa aba Top dance, ari nawo usanzwe umutambira, uvyifatamwo neza, ivyo bigatuma indirimbo ziwe zigira akanovera kandi nabo bakaba bafise uruhara rukomeye mu gukundwa kwiwe. Ku bijanye n’ukwo yiyumva iyo aravye ukwo abantu bakunda indirimbo ziwe, avuga ko muri iki gihe akora ibishoboka vyose kugira agaragaze aho indirimbo ziwe zigeze, na cane cane ko muri iri higanwa rya primusic azozunguruka hafi Uburundi nka bwose.
Abandanya avuga ko iyo ariko araririmba atarahamagara uyo murwi w’abatavyi, abona ingene abantu baryoherwa bitandukanye niyo ariirimba, atambana n’uyo murwi w’aba Top Dance. Sat-B yaboneyeho akaryo ko gusigura ibijanye n’idirimbo yiwe nshasha yitwa "Nyanzobe’’. Yabariye abanyamakuru ko iyo ndirimbo yayiririmvye afise intumbero yo kwerekana ukuntu urukundo rushobora gutangura neza rugahera nabi. Avuga ko aho muri rusangi yagomvye kuvuga ubuzima bw’urukundo n’insiguro y’umuntu yatawe n’umukunzi wiwe amuhora ubusa.
Joel Sengurebe
