Accueil > Inkino > FOOTBALL > Burundi : Abana bahoze mw’ibarabara baronse ikibanza ca kabiri mu nkino (...)
Burundi : Abana bahoze mw’ibarabara baronse ikibanza ca kabiri mu nkino z’isi yose
lundi 7 Ndamukiza 2014
Abana bahoze mw’ibarabara bari mw’ishirahamwe New Generation baraye bakinye urukino rwa nyuma mu mahiganwa y’igikombe c’isi yose. Baronse ikibanza ca kabiri, mu rukino rwa nyuma rwabahuje n’umurwi wa Tanzaniya, ari nawo wabatsinze ibitsindo bitatu ku kimwe (Tanzanie 3 - 1 Burundi).
![](local/cache-vignettes/L672xH502/1514588_10202861325127281_517719990404583650_n-d9188.jpg?1551280453)
Kuva kw’igenekerezo rya 27 Ntwarante 2014, abana bahoze mw’ibarabara bari mw’ishirahamwe New Generation bari mu gihugu ca Brésil mu gisagara ca Rio de Janeiro. Abo bana bari kumwe na Dieudonne Nahimana arongoye New Generation, bari bagiye guhiganirwa igikombe c’isi yose c’imirwi y’umupira w’amaguru y’abana bahoze mw’ibarabara. Abana bangana 230 bari mu mirwi ishika 19 y’abahungu n’imirwi 8 y’abigeme nibo bari bamaze iminsi mu munezero udasanzwe aho mu gisagara ca Rio de Janeiro.
Abana bo mw’ishirahamwe New Generation bari mu murwi B warimwo ibihugu nka Philippines, Nacaragua, Tanzaniya, Argentine, na Bresil. Urukino rwa mbere bakinye n’umurwi wa Tanzaniya baheza banganije ibitsindo 2 kuri 2.
Uwo murwi nyene wa Tanzaniya niwo wahuye na New Generation muri kino rwa nyuma (Final). Urwo rukino rwavuyemwo intsinzi y’umurwi wa Tanzaniya ku bitsindo 3 kuri 1 ca New Generation (3-1).
![](local/cache-vignettes/L672xH448/10009771_10152777891694741_2387436418845458408_n-0ccb7.jpg?1551280453)
Tubamenyeshe ko mu mirwi y’abakobwa, umurwi nserukiraguhigu wa Brésil ariwo watahukanye ico gikombe mu gutsinda umurwi wo muri Philippines igitsindo kimwe ku busa (1-0).
Amwe mu masanamu yaranze urwo rugendo :
![](local/cache-vignettes/L672xH502/1148983_10202857891481442_6698347699034633212_n-1506e.jpg?1551280453)
![](local/cache-vignettes/L672xH502/1272499_10202858460175659_3294764202470479248_o-4e20d.jpg?1551280453)
![](local/cache-vignettes/L600xH400/1669909_10201004684358772_416779369_o-64c59-2e8de.jpg?1517413300)
- Dieudonne Nahimana arongoye ishirahamwe New Generation
![](local/cache-vignettes/L600xH400/1975260_10201004657118091_1255535267_n-51d5e-7235f.jpg?1517413300)
![](local/cache-vignettes/L672xH502/1277544_10202857847600345_4556747025556400331_o-062b4.jpg?1551280453)
![](local/cache-vignettes/L672xH502/1399776_10202857843200235_5231408396809839945_o-98bd8.jpg?1551280453)
![](local/cache-vignettes/L672xH502/10006383_10202842179488652_359922523_n-844c0.jpg?1551280454)
Chérif Nkeshimana
Messages
7 Ndamukiza 2014, 11:27, par RUKUNDO
N’aho nyene ndabakeje ni batere imbere nk’umuzinga ,, ubukurikira bazotahukane ikibanza ca mbere.
7 Ndamukiza 2014, 12:13, par MUGABONIHERA
NTUBONA? SHISHIKARA TUBARI INYUMA BIBONDO
7 Ndamukiza 2014, 14:10, par irakoze gervais
aha nn abategtsi bigihugu ntivyobaha icigwa bakabona ko numwana wanyarucari harico ashoboy gusa kwabura uburyo,nibarab abo muri kaminuza babaherez ivyabo