"Umurwi w’igihugu ujejwe ukuri n’ukurekuriranira ukwiye kujamwo abantu ataco bagirizwa"

Mu gihe itegeko rizogenga umurwi w’igihugu ujejwe ukuri n’ukurekuriranira rigiye kwigwa n’abashingamateka, Furera Emmanuel Ntakarutimana, umukuru w’umurwi w’igihugu ujejwe agateka ka zina muntu, asanzwe akurikiranira hafi ibijanye n’ubutungane bw’inyuma y’intambara amenyesha ko ico ari ikibazo gikwiye kwitonderwa.

Mu kiganiro ku nsamirizi « Isanganiro », Furera Emmanuel Ntakarutimana yamenyesheje ko itegeko ritomoye n’umurwi mwiza bizova ku butegetsi, asaba n’abatora kutazokwisunga ivy’imigambwe aboja muri uwo murwi boba bavamwo, ahubwo nyabuna bahitemwo abantu "ataco bagirizwa" biteguriye kurwanira ko ukuri kuja ahabona. Ku bwiwe, ukubura ugushaka kw’abategetsi gushobora kubera intambamyi ibikorwa vy’uwo murwi uzoba ujejwe kumenyesha ukuri n’ukurekuriranira.

Ku ruhande rw’abategetsi, Festus Ntanyungu, umushingamateka wo mu mugambwe CNDD FDD yamenyesheje ko umurwi uzoshirwaho uzoba ari uwumvikanweho na bose