Accueil > Inkino > FOOTBALL > Umurwi wa Arsenal woba ugiye kuja mu minwe y’umunyafrika
Umurwi wa Arsenal woba ugiye kuja mu minwe y’umunyafrika
vendredi 19 Ruheshi 2015
Umutunzi wa mbere muri Afrika Aliko Dangote,avuka mu gihugu ca Nijeriya, aripfuza kugura umurwi w’umupira w’amaguru wo mu Bwongereza Arsenal.
Nkuko amakuru dukesha ikinyamakuru Afrizap abimenyesha,Aliko Dangote yari yashatse kugura ibice bimwe vy’umurwi wa Arsenal,vyari bifiswe n’umuyobozi wayo Lady Nina Bracewell-Smith mu mwaka w’2011.
![](local/cache-vignettes/L595xH300/arsenal-47901.jpg?1517288462)
Aliko Dangote ,afise ubutunzi bungana n’imiliyaridi 18 z’amadolare,n’ukuvuga imiliyaridi 15,9 z’amafaranga y’abanyaburaya.Aliko avuga ko mu gihe uruganda rukora ibitoro rwa mbere ku mugabane wa Afrika ruzoba rutanguye gukora mu gihugu ca Nijeriya,azoca aronka umwanya n’uburyo bwo kuriha ibisabwa kugira uwo murwi wa Arsenal umwegukire.
Gushika ubu umurwizatunga w’umunyamerika Stan Kroenke niwe afise ibice vyinshi vy’umutahe mu murwi wa Arsenal,ku bice 66,6 kw’ijana,kandi akaba atiteguye kurekura bimwe muri ivyo bice mu myaka ya vuba.
Uwundi afisemwo imitahe ingana n’ibice 30 kw’ijana ni umurwizatunga wo mu gihugu ca Uzubekistan,kandi nawe ngo ntiyiteguye kurekura.
Aliko Dangote,asanzwe akorera mu rudandazwa rw’ibitoro,isukari n’isima.
Messages
21 Ruheshi 2015, 08:17, par NDABARUSHIMANA Jonas
Yooo Mana!Kumbe Abirabure Hazogeraho Tunatwara Eglise Catholique!Agatekankako Kuri Afrika Haruwutonezerezwa Nagakuru keza Nkako!Ahubwo Imana Idufashe Abafisemwo Umutahe Mumuruwomurwi Wa Arsenal Ko Bobivamwo Natwe Abirabure Tukarongora Uwomurwi Tunawuganza.
29 Rusama 2016, 10:57, par Ndayisenga.
Kubera.ugombakukurahoweganamakosa.afisi