Umuryango wa Ntare 5 usaba ko yoshinguranwa iteka

Mu nkuka y’imisa yo kwibuka umwami Ntare 5 Ndizeye Charles n’abarundi isinzi bahitanwe n’ubwicanyi bwakurikiye mu mwaka w’1972, yosomwe kuri Cathedrale Regina Mundi, umuryango wiwe n’abandi bari bitavye ivyo birori bashikirije Imana abo bahisi bagandaguwe bazira ubwoko bwabo.

Mu nsiguro umusaserdoti yatanze, yasavye abari ngaho kwisunga akarorero ka Yezu Kristu, gutyo kahise bakabone co kimwe, ivyo bikazobafasha gutegura kazoza keza.

Mu majambo yashikirijwe n’abaserukiye umuryango wa Ntare 5 Ndizeye Charles inyuma y’inkuka y’imisa, basavye ubutegetsi gufasha kugira umwami Ntare 5 Ndizeye Charles ashinguranwe iteka, bongera basaba ko amatohoza yokorwa ukuri kukamenyekana ku bijanye n’urupfu rw’umwami Ntare 5 Ndizeye Charles.