Umushikiranganji Nduwimana yaragize ico avuga ku bijanye na Emmanuel Miburo

Umushikiranganji w’intwaro yo hagati mu gihugu yaragize ico ashikirije ku bijanye n’umuvugizi w’imigambwe itavugarumwe na Leta afatiye kuvyashikirijwe n’imigambwe iri muri ADC ikibiri.

Haraheze hafi indwi zibiri imigambwe 14 itoye Emmanuel Miburo umukuru w’umugambwe FNL kugira abe umuvugizi w’imigambwe itavugarumwe na Leta,
Inyuma gatoya y’igenwa rya Emmanuel Miburo,imigambwe iri m’urunani ADC ikibiri yaciye imenyesha ko itemera Emmanuel Miburo kuko ishami ryiwe riserukiwe mu nzego za Leta zihari ubu.

Umushikiranganji w’intwaro yo hagati mu gihugu abicishije k’umuvugizi wiwe Evariste Sabiyumva yamenyesheje ko arindiriye ko haba ukuvugana hagati y’abatavugarumwe na Leta.

Akaba yamenyesheje kandi ko itegeko ritomoye naryo rikaba rivuga ko ubwo buyobozi buhabwa umugambwe waronse amajwi menshi mu matora y’amakomine yabaye mu mwaka w’2010.