Umushikiranganji wa mbere wa Rumaniya aragirizwa kunyuruza amakori

Umushikiranganji wa mbere w’igihugu ca Rumaniya Victor Ponta akurikiranwa n’ubutungane yagirizwa kunyuruza amakori.

Ubucamanza mu gihugu ca Rumaniya bagirije umushikiranganji wa mbere , Victor Ponta, ku bifitaniye isano n’iperereza ku vyaha vyo kwiba amakori no kwiyegeraniriza amafaranga biciye inyuma y’amategeko.

Ivyo yagirizwa bifitaniye isano n’akazi yakoze ari umunyamategeko imbere yo kuba umushikiranganji wa mbere w’igihugu ca Rumaniya.

Abacamanza bavuga ko bafashe ubutunzi bwa Ponta imbere yo kurindira ibizova mu rubanza.

Ponta yatanze imihoho ku burongozi bw’umugambwe Social Democratic kuw’Imana ariko avuga ko azakobandanya gukora nk’umushikiranganji wa mbere.