Umwaka wa mbere wa baccalauréat wakuweho muri Kaminuza y’Uburundi

Umwaka wa mbere wa baccalauréat mu gisata c’icongereza muri «Faculté des Lettres et Sciences Humaines» wafuswe muri Kaminuza y’Uburundi. Abari muri ico gisata bakaba bimuriwe muri IPA (Institut de Pédagogie Appliquée).

Mu gihe kuri wa kabiri igenekerezo rya 15 Ruhuhuma 2016 ariho hatangura ivyigwa ku banyeshure bashasha muri kaminuza y’Uburundi, mu mwaka w’ishure w’2015-2016, ubuyobozi bwa Kaminuza y’Uburundi bukaba bwamenyesheje ko bwafashe ingingo y’ugufuta umwaka wa mbere wa Baccalaureat mu gisata c’icongereza muri «Faculté des Lettres et Sciences Humaines».

Gaspard Banyankimbona, umuyobozi wa Kaminuza y’Uburundi

Iyo ngingo yafashwe mw’itegeko rya Gaspard Banyankimbona, umuyobozi wa Kaminuza y’Uburundi, aho yamenyesheje ko ico gisata gihagaritswe vy’agateganyo aho muri Kaminuza y’Uburundi mu mwaka w’2015-2016.