Accueil > Ubutunzi > Iterambere > Uruhara rw’ama banki mw’iterambere ry’igihugu
Uruhara rw’ama banki mw’iterambere ry’igihugu
mardi 9 Ndamukiza 2013
Icegera ca kabiri c’Umukuru w’igihugu, Gerevasi Rufyikiri yaratanguje kuwa mbere igenekerezo rya 8 Ndamukiza 2013, uruganda rwo guhanahana ivyiyumviro ku ruhara rw’ama banki mw’iterambere ry’igihugu.
Urwo ruganda rwatunganijwe na banki nkuru y’igihugu, yifadikanije n’icegera ca kabiri c’umukuru w’igihugu, rugahuza abaserukira ama banki atandukanye, n’abandi bikorera ivyabo.
Mw’ijambo ry’ikaze, icegera ca kabiri c’Umukuru w’igihugu, Gerevasi Rufyikiri yasavye abitavye urwo ruganda kwiga uruhara rwabo mw’iterambere ry’igihugu. Kubw’uwo mutegetsi, abanyagihugu benshi bidogera ama banki ko abasaba inyungu z’umurengera iyo basavye ingurane, bigatuma imigambi y’iterambere baba bafise itarangurwa.
Yarangije asaba kwiga n’ikibazo c’ingorane abarwizatunga bahura nazo, na cane cane muri iyi misi ishirahamwe ry’abadandaza ryidogera banki nkuru y’igihugu kuba yakoze urutonde rw’abadandaza badashobora guhabwa ingurane n’ama banki.
Egide Nduwimana
