Urukundo rwa kure na kure rurashoboka

Ntimusubire kwumiviriza abantu bababwira ngo ubugenzi bwanyu ntibuzorama ku mukunzi wawe aba ku birometero 600. Muzobabwire ko urukundo rw’abantu baba kure nakure rushobora kugira amahirwe yo kuramba kurusha abantu babana hafi na hafi.

Hano mu gihugu cacu turamereye kwumva bavuga ko bidakunda ko abantu bashobora gukundana batabana hafi nk’ababa i Buraya canke mu ntara yindi ya kure, abenshi ngo baratinya .

Mu gihugu ca Amerika barakoze itohoza kugira barabe urugero abakundana batari hafi na hafi bashobora kugera ko, abashakashatsi bo kuri kaminuza imwe y’i Hong Kong barahumuriza abantu bafise ubwoba ko urukundo rwabo rushobora gutosekara ku mpamvu y’uko ibirometero bibatandukanya ari vyinshi. Atari kureka kuvuga rumwe n’abantu bemeza ko urukundo rwa kure na kure ataco ruvamwo, ico cirwa kivuga ko urukundo rw’abantu bari kure na kure ko rukomera ndetse gusumvya n’abari hafi na hafi.

Abakoze ico cigwa bagereranije umwanya w’agaciro abantu bahana mu kuganira ku bakunzi babana hafi na hafi hamwe n’ababa kure na kure. Baciye bafata baza barumviriza ibiganiro bayaga, ubutumwa bandikiranirana mu materefone yabo, umwanya bahamagarana, n’ibindi, ico bakuyemwo n’uko ababa kure na kure bakundana bibafasha kuza baraganira cane kurusha barya babana hafi na hafi.

Tukaba tuzi ko, ikiganiro ari ryo buye urukundo rwubakirako. Ubu mu gihe hari ubuhinga bwinshi butuma abantu baganira bagahanahana amakuru, abantu bakundana badafise akaryo ko gukoranako canke kubonana uca usanga baca bashira imbere kuza baraganira umwanya munini ku mvo z’inkumbu. Uca usanga bahanahana ivyiyumviro umwe wese akaza arabwira uwundi ivyo yabayemwo.Umuntu adaharuye inkumbu hamwe, rimwe rimwe umuntu ashwana n’umukunzi wiwe ngo urukundo rwa kure ni rwiza.

Mu majambo make, abantu bakundana kure nakure si bibi, mugabo muragabe hari igihe umwe muri bo usanga atangura kwigenza nabi ugasanga aza arafatana amagahunda n’abandi bagabo canke n’abandi bagore. Ni ukugira umwizerano hanyuma umwe wese agashimikira gukomeza urukundo rwabo uko ari babiri. Benshi baravuga ndetse ko iyo muvyifashemwo neza mushobora no kwubakana umubano wanyu ukaguma kurusha ndetse n’abarya bakundanye babana hafi na hafi.