Accueil > Amakuru > u Burundi > Urwego rw’abashingwamanza bashigikiye ishigwaho ry’ikigega co gufasha (...)
Urwego rw’abashingwamanza bashigikiye ishigwaho ry’ikigega co gufasha abashikiwe n’ivyago
vendredi 1er Ruhuhuma 2013
Inyuma yaho isoko nkuru ya Bujumbura ihiriye,urwego rw’abashingwamanza rwifatanije n’abarundi mwitangazo ryashizwe ahabona n’umukuru w’urwo rwego umushingwamanza Isidore Rufyikiri.
Umushingwamanza Rufyikiri Isidore akaba yamenyesheje ko bashigikiye ishigwaho ry’ikigega co gufasha abashikiwe n’ivyago ibintu vyabo bigahitanwa n’umuriro .Arasaba kandi Leta ko yokura icigwa kuvyashitse kugirango ifate ingingo zose zishoboka kugirango abanyagihugu n’ivyabo bakingigwe.
Isidore Rufyikiri asanzwe ariwe aburanira Hilaire Ndayizamba umwe mubagirizwa urupfu rwa Ernest Manirumva yahoze ari icegera c’uwurongoye OLUCOME, avugako uwo aburanira yarenganijwe kuko ngo sentare yaciye urubanza idafise ivyemezo bigaragara.
Ngo ariteguye rero kwunguruza urubanza , be n’uwo aburanira barindiriye ko imisi 60 itegekanijwe inyuma yuko urubanza ruba rwasomwe ihera kugirango bashobore kwunguruza urubanza.Hilaire Ndayizamba sentare ikaba yamuciriye urubanza rwo guherayo.
Ivyo umushingwamanza Rufyikiri akaba yabishikirije mu kiganiro yahaye abamenyesha makuru, kwigenekerezo rya 31 Nzero 2013.
Marie Claire Ingabire
