Umukinyi yakubiswe mu mutwe ari mu rukino aca arapfa

Ishirahamwe ry’umupira w’amaguru ryo muri Afrika riri mu kigandaro inyuma yaho umunyezamu Sylvain Azougoui wo mu gihugu ca Togo apfiriye ari mu kibuga. Yasize atsinze.

Urukino rwabaye ku munsi w’Imana w’igenekerezo rya 20 Ndamukiza, rwariko ruhuza umurwi wa CMS (umurwi wa Togo wo mu cicaro ca mbere) n’umurwi wa Bongoville muri Gabon. Urukino rwaheze nabi kuko umukinyi Sylvain Azougoui yaciye ahasiga ubuzima. Uwo munyezamu yakubitswe mu mutwe n’umukinyi w’umusatirizi Sanogo wa Bongoville. Sanogo yaciye asohorwa mu kibuga, Sylvain nawe atwarwa kwa muganga ku bitaro vy’i Bongoville aho yaciye yitaba Imana.

Mwomenya ko Sylvain yapfuye asize umurwi wiwe utsinze Bongoville ibitsindo 2 kuri 1 (2-1).

Sylvain yambaye umwambaro utukura