Zimbabwe : Ifyeri rya Mugabe riri mu bituma ubukene buguma bwugarije umunyagihugu

Kubera ubukene bwugarije igihugu ciwe, Robert Mugabe arongoye igihugu ca Zimbabwe yemeye kugabanura umushahara wiw, ku va ku madalare y’Amerika ibihumbi bine n’ukuvuga amanyaburaya 2800, akaja mu nsi yayo.

Robert Mugabe ari ku butegetsi ku va mu mwaka w’1980, ubu akaba afise imyaka y’amavuko 90. Ariko naho yagabanije umushahara wiwe, bikavugwa ko ari umutama w’umunyefyeri. Akarorero, Mugabe aherutse kwubaka inzu y’ukuruhukiramwo inyuma gato y’igisagara Halare, aho iyo nyubakwa gusa yatwaye amadolare y’Amerika arenga ibihumbi 10 ni ukuvuga amafaranga arenga imiriyaridi 15 z’amarundi. Mu bugeni bw’umukobwa wiwe naho, yari yatumiye abantu bagera ku bihumbi 4, umukwe wiwe hamwe n’umukobwa wiwe, akaba yabagabiye amadolare y’Amerika ibihumbi ijana.

Uyo munezero w’umukuru w’igihugu ca Zimbabwe, abanyagihugu n’amashirahamwe ataho yegamiye mu vya poritike bakabona ko ari ukwigungirako n’ukwikunda bikabije, mu gihe umunyagihugu we ashonje, kandi igihugu ku va mu mwaka w’2000 kikaba atako cifashe mu vyubutunzi.