Gahombo : Ikirindiro c’abaporisi cibwe inkoho

Inyuma y’aho inkoho zibiri zibiwe ku kirindiro c’abaporisi muri komine ya Gahombo, abakekwa kuziba bafashwe ubu bakaba bariko barabazwa.

Izo nkoho ziri mu bwoko bwa Kalachnikov, zikaba zibiwe i Nzewe muri iyo komine ya Gahombo, intara ya Kayanza. Abo basore bafashwe bakaba bariko barabazwa kugira ukuri kumenyekane. Iyo misore yafashwe ikaba yahora yikekwako gukora ubusuma muri iyo komine.

Abanyagihugu bo muri iyo komine ya Gahombo, bakaba basaba ko amatohoza yokorwa kugira izo nkoho abazivye bafatwe kandi bazigarukane, mu gihe abo banyagihugu bavuga ko barara ntibuca bibaza ko abatwaye izo nkoho buca babarara ku mugono bagatangura kuza kwiba utwo abo banyagihugu bimbuye. Abo banyagihugu bavuga ko bari babayeho neza, atamusuma abararako.

Mu giporisi mu Kayanza baremeza amakuru y’izo nkoho, ndetse bakaba banahumuriza abanyagihugu ko amatohoza ariko agenda neza, bakizera kuzozifata.