IGIHE Burundi

Amakuru, Poritike, Ubutunzi, Diaspora, Inkino, Muzika & Amasanamu, Ubuhinga bwa none, Akahise......

Accueil > Amakuru > u Burundi > Kiremba : Abahabwa imfashanyo za PAM basabwe kuba bafise ikatara (...)

Kiremba : Abahabwa imfashanyo za PAM basabwe kuba bafise ikatara karangamuntu

lundi 8 Kigarama 2014

Musitanteri wa komine Kiremba yafashe ingingo ko abanyagihugu bo mu miryango yaba ntahonikora badafise amakarata karangamuntu, batazosubira guhabwa imfashanyo zitangwa na PAM ku bana bafise ingwara zijanye n’ugufungura nabi.

Komine Kiremba y’intara ya Ngozi, ni hamwe mu hantu ishirahamwe PAM ritanga imfashanyo y’indya ku miryango yaba ntahonikora ifise abana barwaye ingwara zijanye n’ugufungura nabi. Mu gihe hariko habandanya igikorwa c’ukwandika abanyagihugu bazokwitaba amatora mu mwaka w’2015, musitanteri wa komine Kiremba, Gerevasi Miburo, yafashe ingingo ko abanyagihugu bagiye kuzoronka izo mfashanyo ari uko babanje kwerekana ikarata karangamuntu.

Gerevasi Miburo asigura ko ari kugira bahamagarire abo banyagihugu kwitaba igikorwa c’ukurondera amakarata karangamuntu ku bwinshi, akaba ari navyo vyatumye benshi muri abo banyagihugu bijukira kuzirondera kubera iyo ngingo yafashwe na Gerevasi Miburo, musitanteri wa komine Kiremba yo mu ntara ya Ngozi.


Egide Nduwimana

Messages

Un message, un commentaire ?


ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.