Accueil > Kwidagadura > Amareresi > FESTICAB 2018 : Abakinyi b’amareresi bahamagariwe kuyandikisha
FESTICAB 2018 : Abakinyi b’amareresi bahamagariwe kuyandikisha
mardi 16 janvier 2018
Isabukuru mpuzamakungu ry’amasinema n’amareresi mu Burundi FESTICAB ryatunganije ihiganwa ry’amareresi uno mwaka, ku civugo :« Urwaruka, kwironderera akazi n’uburongozi . »
Amakuru dukura ku rubuga ngurukanabumenyi rw’isabukuru FESTICAB,amenyesha ko ico civugo catowe, bisunze ko urugero rw’urwaruka rutagira akazi rubandanya kwiyongera mu gihugu.
Ayo makuru nyene amenyesha ko icivugo catowe kugira bakangurire urwaruka rufise ingabire, ariko bafata umwanya wabo munini bakawujana mu kunwa ibiyayuramutwe.
Abakina amareresi bakaba bafise ikiringo co kwandikisha amareresi yabo, gushika kw’igenekerezo rya 28 Ruhuhuma 2018.
Bitegekanijwe ko muri ico kiringo c’isabukuru FESTICAB 2018 kizomara indwi, hazotunganywa umwanya wo kwerekana amareresi atandukanye mu gihugu, inganda n’inyigisho.
NKURUNZIZA Huguette
