Umwirutsi Mo Farah arahakana ko ata miti yongereza inguvu yafashe

Ikinyamakuru co mu gihugu c’Ubwongereza Sunday Times kimenyesha ko gifise amakuru ko umumenyereza w’umunonotsi Mo Farah ava mu gihugu ca Somaliya yamuha imiti ituma yongereza inguvu.

Ikinyamakuru Sunday Times kimenyesha ko ayo makuru cayakuye mu kigo c’abanyamerika kijejwe gukurikirana inyifato y’abanonotsi.

Mo Farah ava mu gihugu ca Somaliya azwi kuba yaratahukanye imidari y’inzahabu mu kwiruka imetero 5000 na 10000 mu mahiganwa abiri mpuzamakungu yo kunonora imitsi aheruka kuba.

Naho biri ukwo , kuri uno w’Imana igenekerezo rya 26 Ruhuhuma,umwaka wa 2017 umunonotsi Mo Farah yamenyesheje ko ivyo yagirizwa ko yahawe imiti imwongerereza inguvu atari vyo kandi ko yera.

Ikinyamakuru Sunday Times kimenyesha ko umunonotsi Mo Farah atari we wenyene yahawe iyo miti,kuko umumenyereza wiwe iyo miti yayihaye n’abandi yamenyereza.