IGIHE Burundi

Amakuru, Poritike, Ubutunzi, Diaspora, Inkino, Muzika & Amasanamu, Ubuhinga bwa none, Akahise......

Accueil > Inkino > volley-ball > Umurundikazi wa mbere yatowe nk’umuhagarikizi mpuzamakungu w’umupira (...)

Umurundikazi wa mbere yatowe nk’umuhagarikizi mpuzamakungu w’umupira w’amaboko

vendredi 14 Ntwarante 2014

Uburundi bugeze ku ntambwe ikomeye mu buhagarikizi bw’inkino. Nadine Nibigira aherutse gutorwa nk’umuhagarikizi wa mbere w’umurundikiza yinjiye mw’ishirahamwe mpuzamakungu ry’urukino rw’umupira w’amaboko Volley-ball.

Kuva kw’igenekerezo rya 03 Ntwarante gushika kw’igenekerezo rya 10 ukwo kwezi nyene, umurundikazi Nadine Nibigira yari yitavye ivyirwa vyariko bibera mu gihugu ca Kenya ku murwa mukuru Nairobi. Ivyo vyigwa vyari vyateguwe n’ishirahamwe mpuzamakungu ry’urukino rw’umupira w’amaboko Volley-Ball (FIVB), ibihugu 7 vyari vyaserukiwe n’abagime n’abakenyezi bategerezwa gutorwamwo abahagarikizi mpuzamakungu b’urukino rw’umupira w’amaboko.

Muri abo, umurundikazi Nadine Nibigira yatahukanye ikibanza ca gatatu, maze ahabwa urupapuro "certificat" rumwemeza nk’umuhagarikizi mpuzamakungu muri urwo rukino. Aciye aba umupfasoni wa mbere w’umurundi agiye kuri urwo rwego, ahambije umugabo Emmanuel Ndibanje asanzwe nawe nyene ari umuhagarikizi mpuzamakungu mu rukino rw’umupira w’amaboko Volley-ball.

Tubibutse ko Uburundi bufise abahagarikizi batari bake, cane cane mu rukino rw’umupira w’amaguru, aho hanatoewe uwitwa Jean Claude Birumushahu azoja guhagarikira mu nkino mpuzamakungu z’umupira w’amaguru zizobera mu gihugu ca Brésil, hazoba ari mu kwezi kwa gatandatu.


Cherif Nkeshimana

Messages

Un message, un commentaire ?


ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.