Umurwi CENI wongereje ikiringo co gutora amarakata y’itora

Pierre Claver NDAYICARIYE arongoye umurwi CENI, amenyesha ko iyo ngingo yafashwe inyuma y’aho bibonekeye ko ikiringo cari catanzwe caheze kur’uyu w’Imana igenekerezo rya 13 Rusama 2018, caheze hari abataratora amakarata yabo.

Pierre Claver NDAYICARIYE avuga ko ico gikorwa muri iyi minsi yongerejwe kizoba kuva isaha imwe n’igice y’igitondo gushika isaha icumi n’igice, mu gihe mu kiringo giheze baheza isaha icumi n’imwe z’umugoroba.

Ku batazoronka amakarata yabo y’itora, umukuru w’umurwi CENI amenyesha ko abo bazoshobora gutora, ariko berekanye udupapuro twemeza ko biyansikishije, hamwe n’ikarata karangamuntu bakoresheje umunsi biyandikisha.

Amatora yo kwemeza canke guhakana ibwirizwa nshingiro ategekanijwe kuwa kane, igenekerezo rya 17 Rusama 2018.