Accueil > Ukwemera > Abakristo > Vyinshi kuri Zebiya Ngendakumana avuga ko abonekerwa
Vyinshi kuri Zebiya Ngendakumana avuga ko abonekerwa
vendredi 28 Kigarama 2012
Umwigeme zebiya ngendakumana avuga ko abonekerwa yamenyekanye gute kugira ahurumbirwe n’abantu benshi. Bamwe bavuga ko vyatumwe n’iparuwasi yiwabo muri komine Gahombo intara ya Kayanza abandi nabo bati yabanje kunyika amara igihe kinini atawuzi iyari.
Bamwe mu babanyi n’umuryango w’umwigeme Zebiya Ngendakumana avuga ko abonekerwa ntibahuriza kucatumye uyo mwigeme amenyekana. Bamwe twasanze ku musozi Rusha i Businde muri komine Gahombo intara ya Kayanza aho avuka batubwiye ko vyakozwe na Paroisse Rukago igihe hibukwa umweranda Doroteya ,ngo iyo Paroisse yahaye ibinyobwa vy’abana uyo mwigeme aca akora umunsi mukuru wo gusenga ku musozi Rusha aho rero ngo abana benshi baciye batangura gukwirikira Zebiya .
Abandi nabo bemeza ko umwigeme Zebiya Ngendakumana yamenyekanye kubera umugwizatunga w’i Bujumbura hamwe n’umufurera wo muri katorika batanze amafaranga yo kubaka ikibanza Zebiya n’abayoboke biwe basengeramwo hamwe n’ibarabara rigana kwa Zebiya. Ikindi abo bantu bakoze ngo barondeye abaza gusengera muri ico kibanza eka mbere baranubakiye amazu uyo mwigeme.
Tubajije abageze mu zabukuru twasanze aho kuri uyo musozi bo batubwiye ko Zebiya yabanje kuzimira amezi atatu atawuzi irengero ryiwe agaruka avuga ko abonekerwa. Izayi Sibomana azwi kw’izina rya Zaya, se wabo wa Zebiya yatubwiye ko Zebiya yagiye kuramutsa sekuru i Nyagatobo bamutumye kuvoma mu ruzi rwitwa Ikinyangundu ngo yaciye anyika baramuhiga baramubura,bamutoye ngo yaje nk’abandi bana ariko ngo aca atangura gusengesha.
Uwundi twavuganye yemeza ko bakuranye na Zebiya yatubwiye ko uyo mwigeme yatanguye kubabwira ko azobonekerwa akiri muto kandi ko yababwiye ko hari ahantu yagiye na nyina atabizi ngo akurwayo na inakuru atanze intama, umutsima w’ubugari bw’ibigori hamwe n’inzoga.
Abayoboke ba Zebiya twavuganye bobo bamirira kure ko Zebiya yoba yaranyitse,ariko baremeza ko uyo mwigeme avuga ko abonekerwa yamaze igihe abavyeyi biwe batazi iyo ari,abo basengera kwa Zebiya bakavuga ko yari kwa inakuru.
Umwigeme Zebiya Ngendakumana yemeza ko yatanguye kubonekerwa akiri muto. Afise imyaka 4 ngo yabonekewe n’umumalayika, afise imyaka 5 ngo yabonekewe na BikiraMariye hanyu afise imyaka 12 ngo yabonekewe na Yesu ari nawe ngo yamuhaye ubutumwa atanga ubu.
Haraheze ikibanza yahora asengesherezamwo i Buainde muri komine Ghombo intara ya Kayanza gicunzwe n’abapolisi kugira bamubuze n’abayoboke biwe. Bulamatari wa kayanza n’abarongoye ekeleziya katolika i mu Kayanza baramubujije gusubira kuhasengera na rimwe. Hari n’abantu bafunzwe kubera bagiye gusengeramuri ico kibanza.
kw’ifoto:Umwigeme Zebiya Ngendakumana
Raymond Nzimana
Messages
15 Ntwarante 2013, 10:12, par emanuel
zebiya niyihanur e
abireke
kuko hariho abariko barabura abana abadi babe impufyi
igigi igihugukigamba
23 Kigarama 2014, 11:03, par Michael
Zebiya nareke kwishira hejuru ahubwo yicishe bugufi,nakare IMANA isaba kwubaha abakuru b’Eklezia na bi bihugu. ivyo kubonekerwa navyo, eregaa uwubonekerwa siwe yihayagiza:kandi sinawe abimenyesha,narindire rero yitonze ivy’IMANA ntivyihuta,nibirimwo umuco nyawo vyicisha bugufi.BIKIRA MARIA wenyene ubwiwe ntiyishize hejuru aho yumviye ko azovyara YEZU Umwana w’IMANA.none Zebiya niwe abonako ari agahambaye atokwubaha n’abamugaba? YEZU wenyene yaruba abakuru mbere nikimenyamenya ivyaba bigezweko vyose yabitunganya nk’umunyagihugu asanzwe kandi ari Umwana w’IMANA. none uwo zebiya abonekerwa gute,kandi agarariza Abakuru b’Eklezia na Leta? murakoze icipfuzo canje nico.
7 Nzero 2015, 20:02, par NDIKUMANA Emmanuel
ZEBIYA AKWIYE GUHAGARIKA AMASE NGESHO YIWE AKABANZA AKAGIRANA AMASE ZERANO NABABIJE JWE HANYUMA BAKA MUREKA AGASENGA IMANA YIWE ATAGENDA ARABUNDABUNDA IYO ABAYO BOKE BIWE BAGIYE IBUSINDE BACA MUMIRIMA YABANYAGIHUGU BAKAYO NONA CANE BAGASIGARA BARIDOGA UWUSE NGA IMANA YUKURI NTAKINTU KIMUTSI TAZA AKORA NAKIMWE JEMBONA RETA YUBURUNDI KOYO MUFATIRA IBIHANO RUHASHA KUGIRA ABANYAGI HUGU BAHO BAREKE KUHAHO MBERA KUMIRIMA YABO ABAZEBIYA BACAMWO BABUNDA BUNDA ICIYUNVIRO CANJE CARICO
22 Rusama 2015, 13:34, par LADISLAS NDAYIZEYE
UBWOSE KO BABABUZAGUSENGERA AHO HANTU NIKUKI BATORA AMABUYE KANDI BAVUGAKO ARI ABIMANA?
11 Ruheshi 2015, 19:22, par Gabin Kwizera
Ivyo Vyose Ntagaciro Bifite Kumana Y,ukuri. Urumva Ubu Ntamuntu Numwe Acerekwa.Ivyo Nibimwe Yezu Yavuga Abahanuzi Bikinyoma. Matayo 24:36.
22 Ruheshi 2015, 16:39, par NIZEYIMANA Joseph
MU NYUMVIRE MUNYISHURE.NONE ZEBIYA UBU YARAREKURIWE CANKE NTARAREKURIRWA?ICONDABIVUZEKO NUKO BOMUREKA GUKO NOMURI BIBIRIYA BIRANDICWE KO MUGIHE C’IHEREZO HAZOZA ABAVUGISWA B’IBINYOMA N’AMASHENGERO MENSHI.ARIKO ICO NOHANURA ABARI MUMASHENGERO BOSE NUKO TWOSENGERANIRA UMUNYAVYAHA N’UWUTARI UMUNYAVYAHA TUKADUZWA TWESE KANDI TUKAGUMA MW’ISHENGERO TWANGURANYA.MURAKOZE IMANA IDUHARIRE ITADUHARURIYE
26 Mukakaro 2015, 09:00, par damas yuda niyonyishu
twumviseko zebiya ngenda kumana yarongowe agize mariage vyoba arivyo
29 Kigarama 2015, 20:03, par MELCHIADE BIMENYI
ISIGEZEKUMUSOZONIBIRUTIVYOBIZOZA.
29 Kigarama 2015, 20:05, par MELCHIADE BIMENYI
ISIGEZEKUMUSOZONIBIRUTIVYOBIZOZA.
25 Ruheshi 2016, 07:27, par Gilbert
None Ubu,zebiya Arihe?
23 Mukakaro 2016, 09:27, par J.CLAUDE NDAHABONIMANA
ZEBIYA NGOYARAVYAYE NIVYO?
23 Mukakaro 2016, 09:28, par J.CLAUDE NDAHABONIMANA
ZEBIYA NGOYARAVYAYE NIVYO?
27 Ntwarante 2017, 23:27, par Ndagijimana Sylvain
Ishengero Ryiwe Ryitwa Ngwiki?
8 Ndamukiza 2017, 09:18, par Nduwamungu Noe
Jewe Icombona Uwo Mwigeme Zebiya Ngendakumana.Ndavyumvise Jewe Ndashobora Kwemeza Ko Yoba Abonekerw.
17 Munyonyo 2017, 17:14, par Jacqueline NTIMPIRANGEZA
Jewe mbona ari importance bamuha ituma akwega abo bantu bose. Bomwibagira naho?
Nimbavugishwa na shetani, soyez sur yuko azorondera kwiyerekana, nimba yarabonekewe naho, nivyiza uburundi buba bukwiye gushima au lieu yo kudyana!