Leonce NGENDAKUMANA: “Ntibituraba muri FRODEBU kuko ataco bihindura k’ubuzima bw’abanyagihugu.”

Umukuru w’umugambwe APDR Gabriel BANZAWITONDE avuga ko ico basaba mu mugambwe iwabo aruko iryo bwirizwa nshingiro rishasha ryoca ritangura gukora kugira umukuru w’igihugu akoreshe ububasha rimuha.

Gabriel BAZAWITONDE yavuze ati: “Dusaba ko iri bwirizwa nshingiro rishasha ritangura gukora kugira umukuru w’igihugu atangure gukoresha ububasha yahawe n’abanyagihugu.”

Icegera c’umukuru w’umugambwe SAHWANYA FRODEBU Leonce NGENDAKUMANA avuga ko ivyo gushira umukono kw’ibwirizwa nshingiro rishasha ataco bibabwiye mu mugambwe wabo kuko ataco bihindura ku buzima bw’abanyagihugu.

Leonce NGENDAKUMANA yavuze ati: “Ntibituraba muri FRODEBU kuko ataco bihindura k’ubuzima bw’abanyagihugu. ”

Leonce NGENDAKUMANA yavuze ko icari kwihutirwa kwari kwicarira ibibazo vy’ubukene,inzara hamwe n’ibindi vyugarije abanyagihugu.

Ico cegera c’umukuru w’umugambwe FRODEBU avuga ko bazobandanya urugamba rwabo kugira abarundi babane mu budasa bwabo kuko umuntu ategerezwa kwubahirizwa uko aba ari kwose.