Accueil > Amakuru > Ikambi ya Mtabila y’impuzi z’abarundi iri muri Tanzaniya yarugawe
Ikambi ya Mtabila y’impuzi z’abarundi iri muri Tanzaniya yarugawe
lundi 24 Kigarama 2012
Nta murundi n’umwe asigaye mw’ikambi y’impunzi y’i Mtabila muri Tanzaniya. Bose barahungutse ku nguvu, iyo kambi nayo yarugawe burundu.
Imvugo yajanye n’ingiro. U Burundi, Tanzaniya n’ishirahamwe munzamakungu HCR riraba impunzi vyari vyiyemeje ko italike 31 Kigarama 2012 ikambi y’impunzi z’abarundi y’i Mtabila izoba yugawe burundi. Niko vyagenze. Impunzi zose zirenga ibihumbi 34 zaratahutse.
Inama yo kubatahukana yabereye i Geneve mu gihugu c’u Buswise italike 8 Gitugutu uyu mwaka. Aho ni mugihe kuva mu kwezi kwa Nyakanga uyu mwaka iahiramwe HCR ryatse urenganzira bwo kwitwa impunzi abo barundi bose bari bakiri muri Tanzaniya mw ‘ikambi ya Mtabila.
Bose barashikanywe mu Burundi mu ntara bavamwo kugira basubire mu matongo yabo.
Izo mpunzi nka zose zari zahunze intambara yo mu mwaka w’1972 abandi mu mwaka w’1993.
Pierre Claver Niyonkuru
