OTAN iragabisha igihugu ca Siriya

Turikiya isaba ishirahamwe ryo kwivunira umwansi hamwe OTAN gushinga ibisasu bitegera ibishobora kuva muri Siriya.OTAN yoyo iragabisha igihugu ca Siriya ko hamwe coramuka gikoresheje ibirwanisho vy’ubumara ruhonyanganda, amakungu azoca agihagurukira

Ivyo vyavuzwe n’umunyamabanga mukuru w’urwo runani OTAN Anders Fogh Rasmussen mu gihe intambara zikomeye zibandanya hirya no hino y’ umurwa mukuru wa Siriya, no mu yindi mihingo y’ igihugu.

Abagize urwego rwa OTAN bateganya gukorana ngo basabe Turikiya gushira ku rubibe bahana na Siriya, ibisasu bitangira bigahushisha ibindi bisasu intumbero.
Intambara zabaye ndanse muri Siriya zatumye ishirahamwe ONU rigabanya abakozi baryo mur’ ico gihugu. Nayo ishirahamwe rya Bulaya ryabakuyeyo bose.