Umukuru w’igihugu yagendeye ihinguriro ry’imiduga i Teheran

Mu rugendo arimwo mu gihugu ca Iran, Nyen’icubahiro Petero Nkurunziza yagendeye ihinguriro ry’imiduga ryitwa «Saipa », kuri uyu wa kane igenekerezo rya 11 Ndamukiza, riri mu gisagara ca Téhéran mu gihugu ca Iran.

Nyen’icubahiro Petero Nkurunziza yagendeye iryo shirahamwe ku butumire bw’abategetsi ba Iran bashatse kumwerekana intambwe igezweko mu vy’ubuhinga bwo gukora imiduga, aho ico gihugu gitegekanya kwagura amasoko mu bihugu vya Afrika na cane cane mu gihugu c’Uburundi.

Ku makuru bakuye ngaho, Saipa aharura abakozi ibihumbi 40 ikaba ikora imiduga ibihumbi amajana abiri ku mwaka. Mu baguzi baryo harimwo Irak aho ihora igura yo yonyene imiduga ibihumbi ijana mu mwaka uheze hagakurikira siriya hamwe na venezuela .

Umukuru w’igihugu c’Uburundi yarashimiye Irani kubw’ico gikorwa gikomeye ngo ni imoteri y’ubutunzi bw’igihugu , Irani ikaba ishaka gushwara n’amasoko yo mu karere k’ibiyaga binini ngo mu Burundi barahawe ikaze .’’ivyo vyoshobora kugira ico bifashije k’ubutunzi bw’igihugu cacu hamwe no gutuma ubuzi buboneka n’ivyo yabonye.