Accueil > Amakuru > Akahise > 6 Myandagaro
6 Myandagaro
mardi 6 Myandagaro 2013
Igenekerezo rya 6 Myandagaro ni umunsi ugira 218 w’umwaka w’2013. Hasigaye iminsi 147 kugira umwaka w’2013 urangire.
Ibikuru bikuru vyaranze kw’igenekerezo nkiri
1824: Simón Bolívar anesha abanya Espagne mu ndwano yiswe iyo i Junin mu gihugu ca Pérou.
- Simon Bolivar
1825: Igihugu ca Bolivie kirikukira.
1890: Buba ubwa mbere hakoreshejwe intebe irimwo umuyagankuba mu kwica umunyororo yaciriwe urwo gupfa. Aho hari mw’ibohero ry’i Aubum i New York.
1896: Madagascar kiba igihugu gikoroni c’Ubufaransa.
1945: Indege z’abanyamerika zicucagira amabombe ku bisagara vya Hiroshima mu gihugu c’Ubuyapani. Hakaba harimwo ibombe ikorzwe mu bumara bwa uranium. Ico gitero kikaba caciye gihitana ubuzima abantu 70 000.
- Iturika ry’ibombe yatewe i Hiroshima
1962: Igihugu ca Jamaïque kirikukira.
1971: Haba ubwirakabiri.
1973: Igisirikare ca Amerika kirihenda gitera amabombe ku gisagara co muri Cambodge citwa Neak Long. Haciye hapfa abantu bagera kw’ijana.
1990: Benazir Bhutto akurwa ku butegetsi n’igisoda hamwe n’umuhari w’aba musulmans.
- Benazir Bhutto
1991: Tim Berners-Lee atangaza ivuka rya World Wide Web.
2008: Muri Mauritanie haba itemmbagazwa ry’ubutegetsi maze uwari umukuru w’igihugu Sidi Mohamed Oud Cheikh Abdallahi arafatwa hamwe n’umushikiranganji wa mbere Yahya Oud Ahmed El Waghef.
2011: Haduka imigumuko mu gisagara ca Tottenham.
Abazwi cane bavutse kw’igenekerezo nkiri
1881: Alexander Fleming, uwatoye umuti wa péniciline yanaronkeye agashimwe kitiriwe Nobel mu vyo ubuvuzi mu 1945.
- Alexander Fleming
1930: Abbey Lincoln, umuririmvyi wa jazz w’umunyamerikakazi.
1965: David Robinson, umukinyi wa Basket-ball w’umunyamerika.
1981: Kader Keita, umukinyi w’umupira w’amaguru akomoka muri Côte d’Ivoire.
- Kader Keita
1983: Robin van Persie, umukinyi w’umupira w’amaguru akomoka muri Pays-Bas.
Abazwi cane bitavyimana kw’igenekerezo nkiri
1660: Diego Vélasquez, umuhinga mugusiga irangi ibicapo. Yakomoka muri Espagne.
- Diego Vélasquez
1881: James White, umwe mu batanguje ishengero ry’aba adventiste b’umunsi w’indwi.
1890: William Kemmler, umupfungwa wa mbere yishwe hakoreshejwe intebe irimwo umuyagankuba.
- William Kemmler
1973: Fulgencio Batiste, umukuru w’igihugu ca Cuba yatwaza umukazo kuva 1952 gushika 1959.
1978: Paul wa 6, umu papa wo kuva 1963. Izina ryiwe ryukuri yari Giovanni Battista Montini.
- Paul wa 6
1983: Klais Sperber batazira Klaus Nomi, umwe mu bantu bazwi bambere bishwe n’umugera wa Sida.
2009 : John Hughes, umwanditsi akaba n’umuhinyanyuzi n’umukinyi w’amareresi. Yari umunyamerika. Niwe yakoze ireresi izwi cane yitwa " Maman j’ai raté l’avion".
- John Hughes
Ibihimbazwa
. Argentine : Umunsi wahariwe inyigisho zijamye m’uburirmyi.
. Bolivie : Umunsi mukuru wo kwibuka ukwikukira.
INGABIRE Luc-Noël
