Vatican : Papa Francois yahagaritse urudandazwa rw’itabi

Umuvugizi w’i Vatican Greg Burke yamenyesheje ko iyo ngingo yafashwe kuko igisagara ceranda nka Vatican kitokwemera ko igikorwa nk’ico conona ubuzima bw’abantu kibandanya kuhakorerwa.

Bivugwako abakozi bashika ibihumbi 5 hamwe n’abakukurutse mu kazi bari bemerewe kugura itabi ku giciro gito ,iryo tabi ryatuma Vatican yinjiza amamiriyoni y’amafaranga y’amanyaburaya.

Uwo avugira Vatican yavuze ko ata nyungu n’imwe irimwo mw’itabi mu gihe iryo tabi ryonona ubuzima bw’abantu.

Greg Burke yasubiyemwo amajambo y’ishirahamwe mpuzamakungu rijejwe amagara y’abantu (OMS) avuga ko kunywa itabi bituma abantu imiryoni 7 bapfa buri mwaka.

Mwomenya ko abakozi baho muri Vatican hamwe n’abakukurutse basanzwe barekuriwe kugura itabi buri kwezi mu ma mazu y’ubudandarizo adatozwa ikori.