Accueil > Kwidagadura > umucuraranzi > Beyonce > Nouvelles > Beyoncé yemeye ko yaririmvye indirimbo yari yafashwe kuri CD
Beyoncé yemeye ko yaririmvye indirimbo yari yafashwe kuri CD
samedi 2 Ruhuhuma 2013
Umuririmvyi w’umunyamerika Beyoncé yarahaye ikiganiro abamenyesha makuru kugirango yemeze ko indirimbo ihayagiza Amerika,yaririmvye mubirori vyo kwimika perezida Obama yari ifashwe kuri CD. Yarishuye no kubibazo bitandukanye vy’abamenyeshamakuru.
Imbere y’uko agaruka ku birori vyo kwimika Obama, yaraboneyeho akanya ko kumenyesha ko ivyo bamwagiriza ngo ntazi kuririmba neza indirimbo zidafatiwe kuri CD atarivyo .Abo ngo ni abashatse kumucafuza.
Amaze gushika imbere y’abantu yaciye aririmba iyo ndirimbo ihayagiza igihugu ca Amerika kandi akaba yayiririmvye ata CD akoresheje kugirango abereke ko abishoboye kuririmba indirimbo zidafatiwe kuri DC.
Ariko rero naho yerekanye ko abishoboye, abamenyeshamakuru baramubajije igituma mu birori vyo kwimika umukuruw’ico gihugu atayiririmvye n’ijwi ryiwe. Beyoncé akaba yisiguye avuga ko yabikoze kuko atari yumva amerewe neza kandi mu birori bikomeye gutyo ngo vyasaba kwitegura cane nawe akaba atamwanya ukwiye yari yaronse wo gutegura neza, ndetse ngo n’ikirere cashobora kutamworohereza.
Uwo muririmvyi yari asanzwe ariko arategura igiteramo gikomeye, ivyo rero ngo vyamutwara umwanya munini wo gutegura ari naco gituma atamwanya yaronse wo gutegura neza indirimbo ihayagiza igihigu ca Amerika kuburyo yoyiririmba n’ijwi ryiwe ryonyene. Ikindi n’uko ngo yashaka kubika ijwi ryiwe kugirango ashobore kunezereza isinzi ry’abantu bamurindiriye mu giteramo.
Marie Claire Ingabire
