Accueil > Kwidagadura > umucuraranzi > Terry West > Inkuru > Kuririmba nk’umwuga atari kwinezereza
Kuririmba nk’umwuga atari kwinezereza
vendredi 25 Gitugutu 2013
Abenshi mu baririmvyi bo mu Burundi bakora uwo umwuga nk’uwo tunga ubuzima bwabo n’imiryango yabo. Hari n’abandi baririmba bafise intumbero hanini ari kwinezereza, kugira abantu benshi babamenye , kandi bambare umwambaro w’abaririmvyi ariko uvyitegereje neza atari bo mu vy’ukuri.
Ngayabosha Terry West azwi cane cane muri Question-G, mu kiganiro na IGIHE, wewe kuririmba abikora nk’ umwuga, agashiramwo inguvu n’uburyo kuko atakindi asanzwe akora atari umuziki, uravye imyaka afise n’ivyo amaze gukora vyumvikana ko guter’imbere kwiwe mu mwuga bidaseswa.
Mu ndirimbo ziwe zamenyekanye cane gusumba izindi nka “Mkee wa Mtu ni sumu”,”Urukundo”, “Ni wewe”, ”Aramara”, “Abo nibo beza” yakoranye na Aimable Tayaya. Ariko akorana na Uncle Crazy , afise 2 ari wenyene bikunze zizosohokera rimwe n’amasanamu. Nta mwuga utagira ibibazo, West ati:”Birababaje gusohora ntiwinjize, kandi sindibuhebe umwuga, hari abanyita umusazi, ariko nukubihanganira ntibazi ivyo bavuga, jewe sindirimba kugira ninezereze, oya n’akazi”.
West asohorera umuziki wiwe mu mazu y’imiziki atandukanye nka:Gold Records, Rise Production n’ahandi hatandukanye.
Chérif Nkeshima
